Blóm

  • kvenfelag banner1
  • kvenfelag banner2
  • kvenfelag banner3

53. formannaráðsfundur Kvenfélagasambandsins ályktar

þann .

53 formannafundurFormannaráðsfundur Kvenfélagasambands Íslands, haldinn 19. nóvember 2016 í Kvennaheimilinu Hallveigarstöðum í Reykjavík skorar á væntanlegan heilbrigðisráðherra, ríkisstjórnina sem tekur brátt við völdum og nýkjörna alþingismenn að gera átak í og leysa það ófremdarástand sem skapast hefur þegar allt að þriggja ára bið er eft­ir að konur kom­ist í grind­ar­botns­ aðgerðir.  Bíða nú um 300 kon­ur eftir að komast í aðgerðir á Kvenna­deild Land­spít­al­ans. Geta þær átt von á að biðin taki allt að þrjú ár. Aðgerðirnar sem um ræðir eru einkum vegna blöðrusigs, ristilsigs, legsigs og þvagleka.

Greinargerð:

53. formannafundurSvo virðist vera að konur sem þurfa á aðgerðum sem þessum að halda virðist verða útundan þegar verið er að útdeila peningunum í heilbrigðiskerfinu. Kvenfélagasambandið bendir á að þar er um óbeina kynbundna mismunun að ræða.

Það þarf ekki auðugt ímyndunarafl til að sjá að það að þurfa að bíða svo lengi eft­ir að kom­ast í þessar aðgerðir hef­ur gríðarlega mik­il áhrif á lífs­gæði kvenn­anna sem fyrir því verða.

Jólafundur KÍ 18. nóvember kl. 17.00

þann .

Jólafundur KÍJólafundur Kvenfélagasambands Íslands verður haldinn í samkomusal Hallveigarstaða kl. 17 föstudaginn 18 nóvember nk. 

Heiðursfélagar KÍ, núverandi og fyrrverandi stjórnar- starfs- og nefndarkonur sambandsins, formenn héraðssambanda KÍ og kvenfélagskonur, eftir því sem húsrúm leyfir, eru boðnar velkomnar. Boðið verður uppá kaffiveitingar og hefðbundna jólafundardagskrá.
Munið jólahappdrættið.

Vinsamlegast tilkynnið þátttöku eigi síðar en fimmtudaginn 17. nóvember n.k. í síma 552 7430 eða á tölvupóstfangið: kvenfelag@kvenfelag.is

Með tilkomu nýrrar stólalyftu er aðgengi er fyrir alla niður í salinn!

Margmenni hjá Kvenfélagasambandinu á beinverndardaginn

þann .

Hátt á annað hundrað manns, konur og karlar, lagði leið sína í Kvennaheimilið Hallveigarstöðum í dag á alþjóðlega beinverndardeginum. 
Tilefnið var að fræðast um beinheilsu. Halldóra Björnsdóttir flutti fræðsluerindi um beinþynningu og forvarnir og hægt var að láta mæla hjá sér beinþéttni. Mjólkursamsalan, aðal styrktaraðili Beinverndar, bauð uppá kalríkar veitingar, osta, ostakökur og ýmiskonar skyr og próteindrykki.
Kvenfélagasambandið þakkar Beinvernd samstarfið og gestunum fyrir komuna og hvetur fólk til að huga að beinheilsu sinni og taka áhættupróf um beinþynningu sjá hér