Fyrsta tölublað 2018 er komið út
Húsfreyjan er komin út – munið ljóðasamkeppnina!
Fyrsta tölublað ársins 2018 af Húsfreyjunni, sem er á 69 aldursári en þó síung, er komið út. Í blaðinu eru fólk hvatt til þáttöku í ljóðasamkeppni Húsfreyjunnar sem nú stendur yfir, ætlar þú að taka þátt?
Á forsíðunni er hin magnaða Stella Guðmundsdóttir, áður skólastjóri í Hjallaskóla nú ferðaþjónustufrömuður í Heydal við Ísafjarðardjúp, margt skemmtilegt og gagnlegt hægt að læra af henni Stellu.
Í blaðinu er girnilegur matarþáttur unnin af Alberti Eiríkssyni þar sem meðal annars má finna dásamlega Döðluköku og Surimi og ostasalat. Í handavinnuþætti Ásdísar er prjónað á ungbörn og hekluð páskakarfa. Þar eru líka fróðlegar greinar um fataskápinn og fatasóun, inniloft og Druslugönguna og kvenfélög segja frá áhugaverðum verkefnum.
Í tímaritinu er kynnt Ljóðasamkeppni sem Húsfreyjan efnir til í vetur. Nú er um að gera að taka þátt, yrkja ljóð og senda inn eða taka áður óbirt ljóð upp úr skúffunni, dusta af þeim rykið og senda í keppnina. Í blaðinu er áhugavert og hrífandi viðtal við Katrínu Halldóru leikkonu sem leikur Elly í sýningu Borgaleikhússins sem hlotið hefur einróma lof. Kristín Linda ritstjóri fjallar um danska lífsstílinn að hygge, hafa það huggulegt, sem verkur nú heimsathygli og dregur fram níu hygge ráð til að njóta í vetur. Jenný hjá Leiðbeiningastöð heimilanna fjallar um súrdeigsbakstur sem er nú ævinsælli og Kristín Aðalsteinsdóttir um grænmeti og fæðu. Matarþátturinn er að þessu sinni með ýmiskonar forvitnilegum uppskriftum úr sauðfjárafurðum, þar á meðal spennandi sviðasúpu. Í handavinnuþættinum fær huggulegt prjón gott vægi með prjónuðu teppi, púða, peysu og sokkum en þar er líka útsaumur. Rætt er við Gunnhildi sem stýrt hefur, Göngum saman, verkefninu í tíu ár og fjallað um afmæli Kvennaheimilisins Hallveigarstaða sem eru 50 ára í ár. Sagt er frá starfi Kvenfélagasambands Íslands meðal annar þáttöku í norrænu samstarfi og fundi Kvennanefndar Sameinuðu þjóðanna.