Þann 19. júní árið 1915, fengu íslenskar konur 40 ára og eldri kosningarétt og kjörgengi til alþingis.
Baráttan hafði staðið frá árinu 1885 og eru í ár liðin 98 ár frá því konur öðluðust kosningarétt
og kjörgengi en það var svo ekki fyrr en árið 1920 sem þær öðluðust réttindi á við karla.

Af þessu tilefni halda konur uppá daginn víða um land.

Ábyrgð atvinnurekenda

46. formannaráðsfundur Kvenfélagasambands Íslands, haldinn 16. mars á Hótel Gullfossi, Bláskógarbyggð ályktar:

Kvenfélagasambands Íslands vekur athygli á ábyrgð atvinnurekenda á gerð áhættumats á vinnustöðum og að vinnuumhverfi hafi ekki neikvæð áhrif  heilsu fólks. Mikilvægt er að kynbundnir áhættuþættir kvenna á vinnumarkaði verði skoðaðir sérstaklega og stuðlað verði að bættu vinnuumhverfi kvenna.

Fleiri konur í stjórnir fyrirtækja

46. formannaráðsfundur Kvenfélagasambands Íslands, haldinn 16. mars á Hótel Gullfossi, Bláskógarbyggð ályktar:

Hlutfall kvenna í stjórnun fyrirtækja í Íslandi eru nú einungis 3%! Næsta haust ganga í gildi lög um kynjahlutfall í stjórnum fyrirtækja, þar sem hlutfall hvors kyns um sig skal ekki vera lægra en 40%.
Kvenfélagasamband  Íslands vill hefja sérstakt átak um aukna þátttöku kvenna í stjórnum fyrirtækja á Íslandi. KÍ hvetur konur til þess að bjóða sig fram í stjórnir fyrirtækja. Þeim tilmælum er beint til héraðssambanda og félaga innan Kvenfélagasambands Íslands að hvetja konur til að bjóða sig fram í stjórnir fyrirtæka og hafa þar með áhrif á betri rekstur þeirra og bætt vinnuumhverfi kvenna. 

Landssöfnun til tækjakaupa á Landspítala Háskólasjúkrahúsi

46. formannaráðsfundur Kvenfélagasambands Íslands, haldinn 15. mars 2013 á Hótel Gullfossi, Bláskógarbyggð ályktar:

Kvenfélagasamband Íslands þakkar þeim fjölmörgu sem stutt hafa landssöfnun frú Agnesar Sigurðardóttur biskups Íslands til tækjakaupa á Landspítla Háskólasjúkrahúsi með þvi að leggja inn á söfnunarreiknin Kvenfélagasambands Íslands. Nú þegar hafa ríflega 700.000.- krónur safnast á reikninginn, en hann er í Íslandsbanka og er enn opinn. Nr. 513-26-200000  kt. 710169-6759.