Spjaraþon 28. - 29. ágúst - Ert þú hluti af lausninni við textílvandanum?

Ert þú hluti af lausninni við textílvandanum?

28. ágúst – 29. ágúst 2020

Spjaraþon verður haldið dagana 28.-29. ágúst 2020 og hefur verið fært frá Umhverfisstofnun yfir á vefinn vegna COVID-19.

Nánari upplýsingar um framkvæmd verða sendar á þátttakendur. 

Hvað er Spjaraþon?

Spjaraþon er tveggja daga hugmyndasmiðja eða hakkaþon, þar sem þátttakendur læra um vanda textíliðnaðarins og þróa og skapa í framhaldinu lausnir sem sporna gegn textílsóun. Þátttakendur velja úr fimm spennandi áskorunum sem unnar eru í samstarfi við ráðgjafahópa og samstarfsaðila Spjaraþonsins. Kvenfélagasamband Íslands er samstarfsaðili Spjaraþons í gegnum verkefnið Vitundarvakning um fatasóun.

Fyrirlesarar fjalla um stöðu vandamálsins og hönnunarferlið þegar kemur að því að fá góða hugmynd sem þróa á yfir í árangursríkar lausnir sem eru bæði raunhæfar og gagnlegar. Teymin þróa hugmyndir, skila samantekt af þeim og kynna fyrir dómnefnd. Veitt verða verðlaun fyrir bestu hugmyndina.

Fyrir hverja?

Alla! Sérfræðinga, nema, hönnuði, fjárfesta, vísindamenn, kennara, félagsfræðinga, ömmur og fólk af öllum aldri og kynjum.

Hvar og hvenær?

Spjaraþon verður haldið dagana 28.-29. ágúst 2020 hjá Umhverfisstofnun, Suðurlandsbraut 24.

Helstu áskoranir

  1. Hvernig fáum við almenning til að draga úr neyslu?
  2. Hvernig stuðlum við að sjálfbærni í framleiðslu textíls?
  3. Hvernig fáum við almenning til að lengja líftíma eigin textíls?
  4. Hvernig tryggjum við betri og skilvirkari endurvinnslu svo verðmæti tapist ekki?
  5. Hvernig aukum við þátttöku almennings í endurvinnslu á textíl?

Skráning og nánari upplýsingar hér.  

Kvenfélagasamband Íslands

Hallveigarstöðum  - Túngötu 14  - 101 Reykjavík
552 7430 
kvenfelag@kvenfelag.is

© 2017 - 2019 Kvenfélagasamband Íslands