Fallin er frá á besta aldri kvenfélagskonan Sólrún Guðjónsdóttir.

Sólrún var öflug félagskona sem starfaði í hinum ýmsu nefndum í sinni heimabyggð, Grundarfirði en þangað flutti hún 2002. Nýflutt til Grundarfjarðar gekk hún í kvenfélagið Gleym mér ei og kom strax í ljós hversu öflugan liðsmann félagið hafði fengið. Hún sinnti trúnaðarstörfum fyrir kvenfélagið og það var síðan árið 2017 sem hún gaf kost á sér sem ritari Kvenfélagsambands Íslands og starfaði með stjórn í 6 ár. Sólrún var frábær félagi, vann störf sín af mikilli nákvæmni og var einstaklega ánægjulegt að starfa með henni.