Kvenfélagasamband Íslands

Málþing

Hvaða gagn gera frjáls félagasamtök?

Þriðjudaginn næstkomandi, 12. feb. kl. 12:15 – 13:45 verður haldið málþing í Háskólanum í Reykjavík í sal M101 og eru allir velkomnir.

Smelltu hér til að fá nasasjón af því sem Almannaheillaaðilar gera fyrir sitt fólk.

Ragna Árnadóttir formaður opnað þingið og segir frá gerð lagafrumvarps um frjáls félagasamtök þar sem unnið er að því að tilvist félaga sem vinna án hagnaðarvonar í þágu almennings verði viðurkennd og framlag þeirra til íslensks samfélags metið á sýnilegan hátt.

Þrjú erindi verða flutt og eftir hvert þeirra eru gefnar 5 mínútur til spurninga og umræðna.

Áhrif félagsstarfs á heilsufar
Una María Óskarsdóttir MA í lýðheilsufræðum

Þáttur frjálsra félagasamtaka í lýðræði
Björn Þorsteinsson doktor í heimspeki og sérfræðingur við Heimspekistofnun Háskóla Íslands

Hvert er framlag frjálsra félagasamtaka?
Ketill B. Magnússon framkvæmdastjóri Festu - miðstöðvar um samfélagsábyrgð

Fréttatilkynning frá Kvenfélagasambandi Íslands

Stjórn Kvenfélagasambands Íslands ákvað á fundi sínum í dag, 11. janúar að opna söfnunarreikning vegna tilkynningar biskups Íslands, frú Agnesar Sigurðardóttur, um landssöfnun til tækjakaupa á Landspítala Háskólasjúkrahúsi.

Stjórn Kvenfélagasambands Íslands hvetur héraðssambönd, kvenfélög, kvenfélagskonur sem og landsmenn alla til að leggja söfnuninni lið, m.a. á degi kvenfélagskonunnar 1. febrúar.

Reikningurinn, sem þegar hefur verið opnaður, er í Íslandsbanka nr. 513-26-200000 kt. 710169-6759.

Ef frekari upplýsinga er óskað veita undirritaðar þær góðfúslega.

Una María Óskarsdóttir, forseti
S: 8964189

Hildur Helga Gísladóttir, framkvæmdastjóri
S: 5527430 og 6992696

Heimilisfriður - heimsfriður. 16 daga átakið er hafið

16 daga átak 2012 gegn kynbundnu ofbeldi er nú haldið í 22. skipti á heimsvísu.
Átakið hófst í Reykjavík með ljósagöngu Un Women þann 25. nóvember sl.

Á Akureyri hefst átakið þann í dag með kvikmyndasýningu í Sambíóunum Akureyri.
Dagskráin heldur svo áfram með greinaskrifum í Fréttablaðið og á www.visir.is með málstofum, fyrirlestrum, bréfamaraþoni og fleiru. Ljósaganga verður haldin á Akureyri þann 6. desember.

Ítarlegri upplýsingar er hægt að sjá hér og einnig verður hægt að fylgjast með á facebook síðu átaksins.

Þú ert snillingur

Þú ert snillingur bókakápa Ný fræðandi, falleg og skemmtileg bók Þú ert snillingur er komin út. Bókin geymir fjölmörg sparnaðarráð og góðar hugmyndir og verður ómissandi eign á hverju heimili. Útgáfan er unnin í samstarfi Matarkörfunnar, Leiðbeiningastöðvar heimilanna og Kvenfélagasambands Íslands.

Hægt er að kaupa bókina á skrifstofu KÍ á Hallveigarstöðum og er verðinu stillt mjög í hóf eða kr. 3.500

Pantanir má senda á netföngin: This email address is being protected from spambots. You need JavaScript enabled to view it. eða á This email address is being protected from spambots. You need JavaScript enabled to view it.

Mörg kvenfélög í landinu munu einnig hafa bókina á boðstólum.

Einnig má hringja í síma 552 1135 og 552 7430 og panta eintak.

Vika 43 - „óbein áhrif áfengisneyslu“

Yfirskrift Viku 43 er „óbein áhrif áfengisneyslu“ þar sem ýmsar hliðar þess máls eru til umræðu. Fimmtudaginn 25. október birtist auglýsing í fjölmiðlum með yfirskrift Viku 43 og kynnt þá til sögunnar beiðni verkefnisins eftir röddum almennings, viðhorfum og reynslu. Sama auglýsing birtist síðan laugardaginn 27. október og sambærilegar skjámyndir um helgina. Í vímuvarnavikunni í ár er fyrst og fremst verið að safna reynslu og skoðunum fólks á áhrifum óbeinnar áfengisneyslu sem síðan verður birt á heimasíðunni www.vvv.is til fróðleiks fyrir aðra ásamt samantektum um óbeinu áhrif áfengisneyslunnar.

Fréttir