Kvenfélagskonur með neytendamálin í brennidepli.

Formannaráðsfundur Kvenfélagasambands Íslands var haldinn í Kvennaheimilinu Hallveigarstöum 18. – 19. mars sl.
Auk hefðbundinna aðalfundarstarfa voru frjóar umræður á fundinum um ýmis málefni sem snerta störf kvenfélaganna auk þess að miklar umræður spunnust um neytendamál eftir framsögu GíslaTryggvasonar  talsmanns neytenda sem var gestur fundarins og erindi Svavars Guðmundssonar frá Matarkarfan.is  sem einnig heimsótti fundinn.
Samþykkt var ályktun þar sem stjórnvöld voru hvött til að efla réttindi neytenda til samræmis við þann rétt sem neytendur á hinum Norðurlöndunum njóta. 
Jafnframt hvatti fundurinn almenning  til að vera vakandi yfir neytendarétti sínum.

Á formannaráðsfundinum var Dóra Ruf, frá Kvenfélagi Kjósarhrepps kjörinn nýr ritari stjórnar KÍ og Ragnhildur Jónasdóttir úr Hvítabandinu í Reykjavík kjörin í varastjórn. Með kjöri Dóru í stjórn KÍ er brotið blað í sögu sambandsins sem nú nýtur starfskrafta útlendrar konu í stjórn í fyrsta sinn.
 
Greinilegt er að áhugi kvenna á öllum aldri á því að starfa í kvenfélögum hefur aukist á síðustu misserum og hefur fjölgað í mörgum félögum auk þess að á síðasta ári var stofnað nýtt kvenfélag í Reykjavík, en það hefur ekki gerst síðan árið 1973.

Ályktun formannaráðsfundar KÍ:
„Formannaráðsfundur Kvenfélagasambands Íslands haldinn á Hallveigarstöðum í Reykjavík 18. og 19. mars 2011 hvetur stjórnvöld til að stuðla að auknum réttindum neytenda til samræmis við það sem gerist á hinum Norðurlöndunum.
Nauðsynlegt er að þeir sem standa eiga vörð um hagsmuni neytenda hafi skýr lög og reglur að styðjast við.  Einnig hvetur fundurinn alla til að vera vakandi neytendur og kynna sér réttindi sín.”

Formannaráðsfundir eru æðsta vald KÍ milli landsþinga sem haldin eru 3ja hvert ár. Næsta Landsþing KÍ verður í Keflavík haustið 2012.

Stjórn KÍ skipa:
Sigurlaug Viborg forseti
Una María Óskarsdóttir varaforseti
Margrét Baldursdóttir gjaldkeri
Dóra Ruf ritari
Ester Gunnarsdóttir meðstjórnandi
Rosemarie Brynhildur Þorleifsdóttir varstjórn
Ragnhildur Jónasdóttir varastjórn

 

Föstudagur 18. mars

Kl. 16.00 Fundur settur

Kosning embættismanna fundarins
Fundargerð síðasta formannaráðsfundar borin upp til samþykktar,
Skýrsla stjórnar Kvenfélagasambands Íslands
Reikningar Kvenfélagasambands Íslands
Fjárhagsáætlun Kvenfélagasambands Íslands 2011
Skýrsla tímaritsins Húsfreyjunnar
Reikningar Húsfreyjunnar
 Kl. 17.00 Erindi: Gísli Tryggvason, Talsmaður neytenda fjallar um neytendamál
 Umræður
Kl. 18.00 Fundi frestað. 
Heimsókn í Thorvaldsensbazar, verslun Thorvaldsensfélagsins sem er elsta
kvenfélag Reykjvaíkur.  

Kl. 19.30 Fordrykkur og kvöldverður að Hallveigarstöðum
Létt skemmtun og tengslanetið eflt, fundargestir fá tækifæri til að troða upp

Laugardagur 19. mars
Kl.  9.00 Kaffi - Fundi fram haldið
Skýrsla Leiðbeiningastöðvar heimilanna 
Skýrslur nefnda og ráða sem Kvenfélagasamband Íslands á aðild að lagðar fram
Norræni sumarfundurinn í Gautaborg í Svíþjóð í ágúst  2011

KÍ og kvenfélögin 2011  -
Kynnum kvenfélögin, fjölgum félagskonum  og byggjum upp innra starfið?

Kl. 12.30  Fundi frestað, hádegisverður

Kl. 13.15  Fundi fram haldið
Árgjöld KÍ
 Skýrsla kjörnefndar
Stjórnarkjör: - Ritari KÍ - til 3ja ára, - varastjórnarkona  - til 3ja ára
Nefndarkjör: - Kjörbréfanefnd, 3 konur og 2 til vara, v/ Landsþings KÍ 2012, til 3ja ára
Önnur mál

Kl. 14.00 Fundi slitið

Sunnudaginn 13. mars verður þjóðbúningadagur í Þjóðminjasafni Íslands.

Gestir eru hvattir til að mæta á þjóðbúningi til að sýna sig og sjá aðra. Þetta er kjörið tækifæri fyrir þá sem eiga
búning að nota hann og jafnframt fyrir alla sem eru áhugasamir um íslenska þjóðbúninga að
koma og sjá fjölbreytni þeirra. Mögulegt verður að fá aðstoð við uppsetningu höfuðbúnaðs á
safninu. Sérstaklega er hvatt til þess að fólk mæti á þjóðbúningi síns heimalands.

Á Torgi við Safnbúðina verður sýningin Kvon. Á sýningunni má sjá kjóla hannaða af Maríu
Th. Ólafsdóttur, en hún sækir meðal annars innblástur í íslenska þjóðbúninga. Sýningin er
óður til fagurkerans, minni til íslenskra kvenna, ómur fortíðar og vitnisburður nútíðar.
Viðburðurinn hefst kl. 14:00
Aðgangur er ókeypis fyrir alla sem mæta í safnið á þjóðbúningi.


Að þjóðbúningadeginum standa Þjóðminjasafn Íslands, Heimilisiðnaðarfélag Íslands,
Þjóðbúningaráð og Þjóðbúningastofa.

Sunnudaginn 13. mars nk. verður þjóðbúningadagur í Þjóðminjasafni Íslands.

Gestir eru hvattir til að mæta á þjóðbúningi til að sýna sig og sjá aðra. Þetta er kjörið tækifæri fyrir þá sem eiga
búning að nota hann og jafnframt fyrir alla sem eru áhugasamir um íslenska þjóðbúninga að
koma og sjá fjölbreytni þeirra. Mögulegt verður að fá aðstoð við uppsetningu höfuðbúnaðs á
safninu. Sérstaklega er hvatt til þess að fólk mæti á þjóðbúningi síns heimalands.
Á Torgi við Safnbúðina verður sýningin Kvon. Á sýningunni má sjá kjóla hannaða af Maríu
Th. Ólafsdóttur, en hún sækir meðal annars innblástur í íslenska þjóðbúninga. Sýningin er
óður til fagurkerans, minni til íslenskra kvenna, ómur fortíðar og vitnisburður
nútíðar.


Viðburðurinn hefst kl. 14:00
Aðgangur er ókeypis fyrir alla sem mæta í safnið á þjóðbúningi.

 

Baráttufundur 8. mars á  alþjóðlegum baráttudegi kvenna fyrir friði og jafnrétti.


8.mars í 100 ár - Dagskrá í Tjarnarsal Ráðhúss Reykjavíkur  kl.17

Dagskrá:

Frú Vigdís Finnbogadóttir ávarpar samkomuna í upphafi fundar.

Fundarstjóri: Kolbrún Halldórsdóttir

Elín Björg Jónsdóttir : Þín herhvöt oft fékk ekki svar.

Fatima Khua frá Afganistan : Konur í stríði og friði.

Harpa Stefánsdóttir : 8.mars í Mamadur - vídeóinnslag.

Ragnheiður Gyða Jónsdóttir : Quo vadis, domina? - hvert ætlarðu, kona?

Andrés Magnússon : Áhrif stríðs á manneskjuna.

Katrín Oddsdóttir : Hið ofbeldisfulla afstöðuleysi.

Ellen Kristjánsdóttir syngur

Helga Tryggvadóttir : Frelsi og rétturinn til að mótmæla.

María S. Gunnarsdóttir : Tímamót.

 

Menningar- og friðarsamtökin MFÍK, Alþjóðlegur jafnréttisskóli við Háskóla Íslands (GEST-programme), BHM-Bandalag háskólamanna, BSRB-Bandalag starfsmanna ríkis og bæja, Félag ísl. hjúkrunarfræðinga, Félagsráðgjafafélag Íslands, Íslandsdeild Amnesty International, Kennarasamband Íslands, Kvenfélagasamband Íslands, Kvennahreyfing Öryrkjabandalags Íslands, Kvenréttindafélag Íslands, Mannréttindaskrifstofa Íslands, Samtök kvenna af erlendum uppruna, Samtök um Kvennaathvarf, SFR- stéttarfélag í almannaþjónustu, SHA - Samtök hernaðarandstæðinga, Sjúkraliðafélag Íslands, ST.Rv - Starfsmannafélag Reykjavíkur, Söguhringur kvenna, Þroskaþjálfafélag Íslands.

Allir velkomnir

Kvenfélagasamband Íslands

Hallveigarstöðum  - Túngötu 14  - 101 Reykjavík
552 7430 
kvenfelag@kvenfelag.is

© 2017 Kvenfélagasamband Íslands