Kvenfélagasamband Íslands

Þingstörf á 35. landsþingi KÍ

Þingstörf landsfundar hófust kl. 9 í morgun með framsöguerindum.
Framsögu höfðu:
Hansína B. Einarsdóttir afbrotafræðinur og Cand mag í stjórnun og skipulagningu verkefna. Erindi sitt nefndi Hansína, Allt – þar á milli - og fjallaði það um hlutverk kvenfélaganna í breyttri heimsmynd.

Þóra Bryndís þórisdóttir, meistaraprófsnemi og BA í sálfræði, fyrrum verkefnisstjóri Vistvernd í verki hjá Landvernd flutti erindi um umhverfismál og hvað kvenfélagskonur geta lagt til marka til umhverfisverndar.

Þórhildur Þórhallsdóttir félags og menntunarfræðingur flutti erindi sem hún nefndi Kjarnorkukvendi eða kveifarsál. Þar sem hún fjallaði m.a. um kvenleg gildi.

Sigurborg Kr. Hannesdóttir félags fræðingur og ferðamálafræðingur flutti erindi sem hún nefndi „Frá hjartanu“ og fjallaði um afl og visku kvenna – hversu mikilvægt það er á breyttum tímum.

Hópastarf stendur ný yfir í fjórum hópum sem fjalla um störf kvenfélaganna, starfssemi Kvenfélagasambands Íslands, Leiðbeiningastöðvar heimilanna og um umhverfismál.

35. landsþing Kvenfélagsambands Íslands sett í Vatnasafninu í Stykkihólmi í dag.

Sigurlaug Viborg forseti KÍ setti 35. landsþing Kvenfélagasambands Íslands við hátíðlega athöfn í Vatnasafninu í Stykkihólmi í dag að viðstöddum um 120 kvenfélagskonum sem sitja þingið.

Ester Gunnarsdóttir varaformaður Kvnefélagasambands Snæfells og Hnappadalssýslu bauð þinggesti velkomanar, en sambandið er gestgjafi þingsins að þessu sinni.
Verndari Kvenfélagasambands Íslands Hr. Ólafur Ragnar Grímsson, forseti Íslands flutti ávarp, kom hann víða við og sagði m.a. að þótt síðari tímar hafi kollvarpað ýmsu og öðru breytt þá þyrfti samfélagið enn ríkulega á framlagi kvenfélagskvenna að halda, einmitt nú þegar þjóðin kallar eftir gömlum og góðum gildum sem áður reyndust farsælt veganesti, leiðsögn á erfiðum tímum.

Tónlistarmenn af Snæfellsnesi stjórnuðu fjöldasöng og spiluðu undir og bæjarstjóri Stykkishólms, Erla Friðriksdóttir ávarpaði gesti og fræddi þá um Vatnasafnið. Léttar veitngar voru í boði bæjarstjórnar Stykkishólms.

Þingfundur hófst kl. 14.15 í Hótel Stykkishólmi, á dagskrá voru hefðbundin aðalfundarstörf og var þingfundi frestað kl. 17.30

Um kvöldið bauð Kvnefélagasamband Snæfells og Hnappadalssýslu þingfulltrúumí í kvöldverð og siglingu um lygnan Breiðafjörðinn.

35. Landsþing Kvenfélagasambands Íslands

Dagana 26. - 28. júní nk. verður 35. Landsþing Kvenfélagasambands Íslands haldið í Hótel Stykkishólmi, á þingið eru skráðar á annað hundrað konur af öllu landinu.

Gestgjafi þingsins er Kvenfélagasamband Snæfells og Hnappadalssýslu (KSSH) sem kemur að undirbúningi þingsins með Kvenfélagasambandi Íslands .
KSSH býður þingfulltrúum m.a. upp á kvöldverð og siglingu um Breiðafjörð.

Dagskrá þingsins er að finna hér til vinstri.

Hátíðahöld 19 júní 2009

Á Hallveigarstöðum efna Kvenfélagasamband Íslands, Bandalag kvenna í Reykjavík og Kvenréttindafélag Íslands til móttöku og hátíðardagsrkár kl. 17.00 - 19.00

Ávörp flytja:

Margrét K. Sverrisdóttir fomraður KRFÍ
Ásta R. Jóhannesdóttir forseti Alþingis
Margrét Steinarsdóttir framkv.stj. Alþjóðahúss
Lára Ómarsdóttir ritstjóri 19. júní
Sabine Leskopf formaður Samtaka kvenna af erlendum uppruna kynnir nýjan bækling samtakanna
Tilkynnt verður um úthlutanir úr Menningar- og minningarsjóði kvenna fyrir árið 2009

Fundarstjóri, Sigurlaug Viborg forseti Kvenfélagasambands Íslands

Allir velkomnir

Kvennakirkjan heldur messu við Þvottalaugarnar í Laugardal kl. 20.00 í samvinnu við Kvenréttindafélag Íslands og Kvenfélagasamband Íslands.

Ásdís Þórðardóttir leikur á trompet.
Séra Auður Eir Vilhjálmsdóttir prédikar.
Anna Sigríður Helgadóttir syngur einsöng.
Kór Kvennakirkjunnar leiðir söng við undirleik Aðalheiðar Þorsteinsdóttur.

Allir velkomnir

Kvenfélagskonur þinga.

Nú stendur yfir Norrænt þing kvenfélaga í Stavanger í Noregi.

Þingið sækja fulltrúar frá Norðurlöndunum og Færeyjum, 16 fulltrúar frá Íslandi sitja þingið, þar af 2 fulltrúar frá Kvenfélagasambandi íslands, þær Sigurlaug Viborg forseti og Ása Atladóttir ritari.

Dagana 26. - 28. júní nk. verður Landsþing Kvenfélagasambands Íslands haldið í Hótel Stykkishólmi, á þingið eru skráðar á annað hundrað konur af öllu landinu.