Á Hallveigarstöðum efna Kvenfélagasamband Íslands, Bandalag kvenna í Reykjavík og Kvenréttindafélag Íslands til móttöku og hátíðardagsrkár kl. 17.00 - 19.00

Ávörp flytja:

Margrét K. Sverrisdóttir fomraður KRFÍ
Ásta R. Jóhannesdóttir forseti Alþingis
Margrét Steinarsdóttir framkv.stj. Alþjóðahúss
Lára Ómarsdóttir ritstjóri 19. júní
Sabine Leskopf formaður Samtaka kvenna af erlendum uppruna kynnir nýjan bækling samtakanna
Tilkynnt verður um úthlutanir úr Menningar- og minningarsjóði kvenna fyrir árið 2009

Fundarstjóri, Sigurlaug Viborg forseti Kvenfélagasambands Íslands

Allir velkomnir   

Kvennakirkjan heldur messu við Þvottalaugarnar í Laugardal kl. 20.00 í samvinnu við Kvenréttindafélag Íslands og Kvenfélagasamband Íslands.

Ásdís Þórðardóttir leikur á trompet.
Séra Auður Eir Vilhjálmsdóttir prédikar.
Anna Sigríður Helgadóttir syngur einsöng.
Kór Kvennakirkjunnar leiðir söng við undirleik Aðalheiðar Þorsteinsdóttur.

 Allir velkomnir

Nú stendur yfir Norrænt þing kvenfélaga í Stavanger í Noregi.

Þingið sækja fulltrúar frá Norðurlöndunum og Færeyjum, 16 fulltrúar frá Íslandi sitja þingið, þar af 2 fulltrúar frá Kvenfélagasambandi íslands, þær Sigurlaug Viborg forseti og Ása Atladóttir ritari.

Dagana 26. - 28. júní nk. verður Landsþing Kvenfélagasambands Íslands haldið í Hótel Stykkishólmi, á þingið eru skráðar á annað hundrað konur af öllu landinu.

Gestgjafi þingsins er Kvenfélagasamband Snæfells og Hnappadalssýslu (KSSH) sem kemur að undirbúningi þingsins með Kvenfélagasambandi Íslands .
KSSH býður þingfulltrúum m.a. upp á mat og siglingu um Breiðafjörð.

Dagskrá þingsins er að finna hér til vinstri.

Sýndu hvað í þér býr!

Námskeið í félagsmálafærni verður haldið í Kvennaheimilinu Hallveigarstöðum, Túngötu 14, 1miðvikudaginn 13.maí nk.

Námskeiðið hefst kl. 18:00 og stendur til kl. 22:00. Kennari á námskeiðinu er Sigurður Guðmundsson.

Ungmennafélag Íslands í samvinnu við Bændasamtök Íslands og Kvenfélagasamband Íslands standa fyrir félagsmálafræðslu um land allt í vetur undir yfirskriftinni ,,Sýndu hvað í þér býr.“ Hlutverk námskeiðsins er að sjá félagsmönnum fyrir fræðslu í ræðumennsku og fundarsköpum. Námskeiðsgjald er kr. 5.000. 

Farið er í ýmsa þætti er tengjast ræðumennsku, þ.e. að taka til máls, framkomu, ræðuflutning, raddbeitingu, skipan ræðu o.fl. Einnig er kennt ýmislegt sem við kemur fundahöldum eins og fundareglur, boðun funda, fundaskipan, dagskrá funda, umræður, meðferð tillagna, kosningar o.fl.. 

Áhugasömum er bent á að skrá sig hjá Sigurði í síma 861-3379 og á This email address is being protected from spambots. You need JavaScript enabled to view it.

Allir velkomnir.

Basar kvenféalgs Kópavogs og sýning á bútasaum félagskvenna verður í sal Kvenfélagsins að Hamraborg 10 í Kópavogi kl. 13.00 - 17.00
Bakkelsi, prjónles, bútasaumur og margt fleira verður til sölu á basarnum. Allur ágóði rennur til góðra málefni.

Stjórn Kvenfélagasambands Íslands fagnar nýsamþykktum lögum frá Alþingi er gera kaup á vændi refsiverð.

Mannslíkaminn er ekki söluvara og óásættanlegt er að hægt sé að nýta sér neyð fólks til að kaupa aðgang líkama þess.
Vændi er ein birtingarmynd kynferðisofbeldis sem Kvenfélagasambandið hefur barist gegn um langt skeið og er lagasetningin  mikilvægur áfangi í þeirri baráttu.