95. ársfundur Sambands sunnlenskra kvenna var haldinn að Borg í Grímsnesi laugardaginn 29. apríl sl.  Yfirskrift fundarins var Virðum veröld - Vöndum valið - Nýtum nærumhverfið.  Kvenfélag Grímsneshrepps var gestgjafi fundarins og tók vel á móti fulltrúum. Nýr formaður sambandsins var kjörinn Sólveig Þórðardóttir úr Kvenfélagi Villingaholtshrepps, en hún tekur við góðu búi frá Elinborgu Sigurðardóttur sem verið hefur formaður sambandsins í níu ár. Elinborgu voru færðar þakkir fyrir ötult starf síðastliðin ár frá stjórn sambandins og frá Jennýju Jóakimsdóttur starfsmanni KÍ. Magðalena Jónsdóttir gjaldkeri KÍ sagði frá starfi Kvenfélagasambands Íslands í máli og myndum.  Á fundinum var valinn Kvenfélagskona ársins innan sambandsins og var það Guðrún Þóranna Jónsdóttir í Kvenfélagi Selfoss sem var valinn að þessu sinni fyrir sitt góða starf. 

Ingunn Jónsdóttir framkvæmdastjóri Háskólafélags Suðurlands og byggðaþróunarfulltrúi SASS var með erindið: Get ég fjármagnað verkefnið mitt? - þáttur Uppbyggingasjóðs Suðurlands.  Margrét Steinunn Guðjónsdóttir sagði frá starfsemi í Krabbameinsfélags Árnessýslu. ásamt því að stjórnarkonur í félaginu tóku nokkur lög fyrir gesti fundarins.  Að loknum fundi var boðið til móttöku í Ártanga þar sem Gunnar Þorgeirsson og Sigurdís Edda Jóhannesdóttir tóku á móti gestum og sögðu frá starfsemi gróðurhússins þar. 

Um kvöldið var svo hátíðarkvöldverður í boði sveitarfélagsins Grímsnes- og Grafningshrepps og dagskrá og skemmtun í umsjón Kvenfélags Grímsneshrepps.

Nýr formaður SSK Sólveig Þórðardóttir og Elinborg Sigurðardóttir fráfarandi formaður SSK. 

Elinborg ásamt kvenfélagskonu ársins innan SSK, Guðrún Þórönnu Jónsdóttur

Elinborg ásamt Jennýju Jóakimsdóttir starfsmanni sem mætti á fundinn og þakkaði Elinborgu gott samstarf síðastliðinna ára.

Nýkjörinn formaður SSK Sólveig Þórðardóttir, fráfarandi formaður Elinborg Sigurðardóttir ásamt fyrrum formönnum þeim; Rosemarie Brynhildur Þorleifsdóttir, Þórunn Drífa Oddsdóttir og Drífa Hjartardóttir. 

Móttaka í gróðurhúsunum í Ártanga. 

92. aðalfundur Sambands borgfirskra kvenna (SBK) fór fram á Hótel Húsafelli, fimmtudaginn 27. apríl síðastliðinn. Góðar umræður fóru fram um starfið, ásamt venjulegum aðalfundarstörfum. Dagmar Elín Sigurðardóttir forseti KÍ og Þuriður Guðmundsdóttir í stjórn KÍ þáðu gott boð og sögðu frá starfi KÍ í máli og myndum. Að loknum fundi  var boðið til hátíðarkvöldverðar á Hótel Húsafelli í tilefni af 90 ára afmæli Sambands borgfirskra kvenna sem var 2021, en ekki hafði tekist að komast saman til að fagna afmælinu vegna samkomutakmarkana það árið.  Falleg kvöldsólin tók vel á móti gestum. Forseti KÍ færði sambandinu síðbúnar afmæliskveðjur og gestabók að því tilefni. Linda Bára Sverrisdóttir er formaður SBK sem starfar í Mýra og Borgarfjarðarsýslum. Innan þess eru 11 kvenfélög með um 200 félagskonur. 

Linda B. Sverrisdóttir formaður SBK og Dagmar Elín Sigurðardóttir forseti KÍ

Dagmar, Linda og Þuríður Guðmundsdóttir meðstjórnandi KÍ

Norrænir Mörtudagar í Kuopio í Finnlandi 15.–17.  júní 2023

 Smökkum á Savo

 Á dagskránni verður kynning á matarmenningu Savo, heimsóknir til matvælaframleiðenda á svæðinu, borgin býður gestum í móttöku, heimsókn á víngarð, leiðsögn um borgina og gægst verður inn í eldhús hjá kvenfélagskonum (Mörtum) í Savo.

Meðal gesta og fyrirlesara verða þingmenn Evrópuþingsins, Sirpa Pietikäinen, forseti Marttaliitto, og  Marianne Heikkilä, framkvæmdastjóri Marttaliitto.

Verðið er 280 evrur. (Hótelherbergi og ferðakostnaður til Kuopio eru ekki innifalin í verði.)

Smelltu hér fyrir nánari upplýsingar:

Formannaráð Kvenfélagasambands Íslands (KÍ) fundaði á Hótel Laka, Kirkjubæjarklaustri á 67.  formannaráðsfundi helgina 10. – 11. mars sl.

Formannaráð fer með æðsta vald um málefni KÍ milli landsþinga KÍ sem haldin eru á þriggja ára fresti. Á fundinn mæta formenn og fulltrúar héraðssambanda KÍ ásamt stjórnarkonum KÍ.

Fundurinn að þessu sinni var aðalformannaráðsfundur milli landsþinga og ásamt öðrum aðalfundarstörfum var kosin nýr ritari í stjórn, varastjórnarkona var endurkjörin og kjörnefnd kosin fyrir landsþingið á Ísafirði 2024.

Formannaráðið lætur sig mörg mál varða og ræðir á fundum sínum mál er varða kvenfélögin í landinu og þau mál sem eru í þjóðfélagsumræðunni hverju sinni. Að þessu sinni sendir formannaráð frá sér eftirfarandi ályktun varðandi geðheilsu.

67. formannaráðsfundur Kvenfélagasambands Íslands haldinn á Hótel Laka, Kirkjubæjarklaustri dagana 10.-11. mars 2023 sendir frá sér eftirfarandi ályktun:

Geðheilsa er vaxandi vandamál í þjóðfélaginu.  Fundurinn hvetur stjórnvöld til að gefa þessum málaflokki enn meiri gaum en nú er, hlúa betur að veikum einstaklingum og grípa þá fyrr inn til aðstoðar.

Geðheilsa er jafn mikilvæg og líkamleg heilsa og því má ekki sofna á verðinum þó svo að geðheilsan sé ekki eins sýnileg og líkamlegt sár.  Í þjóðfélagsumræðunni heyrast margar alvarlegar sögur um mjög veika einstaklinga sem kerfið nær ekki að grípa.  Átröskun, kvíði, sjálfsvíg, kulnun, allt eru þetta alvarlegir sjúkdómar sem einstaklingar bera oft ekki utan á sér og skellur hart á aðstandendum.  Því þarf að gera átak í að grípa einstaklingana fyrr, hlúa að þeim og aðstandendum þeirra sem oftar en ekki þurfa að glíma við áföll í kjölfarið.

Kosin var ný kona í stjórn Kvenfélagasambands Íslands. Helga Magnúsdóttir frá Félagi Kvenna í Kópavogi (FKK) í Kvenfélagasambandi Kópavogs (KSK) var kosin ritari KÍ til næstu þriggja ára. Sólrúnu Guðjónsdóttur frá Kvenfélaginu Gleym mér ei í Grundarfirði var þakkað fyrir vel unnin störf síðastliðin 6 ár sem ritari KÍ.  Björg Baldursdóttir frá Kvenfélagi Garðabæjar var endurkjörin í varastjórn KÍ til þriggja ára.

Kjörnefnd var endurkjörin og í henni sitja:

Aðalkonur

Elfa Eydal Ármannsdóttir, Kvenfélagi Ólafsvíkur (KSH)

Guðrún Þóranna Jónsdóttir, Kvenfélagi Selfoss (SSK)

Gyða Björg Jónsdóttir, Kvenfélaginu Hvöt Hnífsdal (SVK)

Varakonur

Ágústína Sigríður Konráðsdóttir, Kvenfélagi Eiðaþinghár (SAK)

Sólrún Tryggvadóttir, Kvenfélagi Selfoss (SSK).

Það var Samband vestur skaftfellskra kvenna sem var gestgjafi þessa 67. formannaráðsfundar og er sambandinu þakkað kærlega fyrir góða skemmtun og viðgjörning á Kirkjubæjarklaustri.

Stjórn KÍ: Frá vinstri: Eva Björk Harðardóttir varaforseti KÍ, Björg Baldursdóttir varastjórnarkona, Helga Magnúsdóttir nýkjörin ritari, Dagmar Elín Sigurðardóttir forseti KÍ, Þuríður Guðmundsdóttir meðstjórnandi og Magðalena Karlotta Jónsdóttir gjaldkeri.  á myndina vantar Helgu Guðmundsdóttir varastjórn sem ekki átti heimangengt á fundinn. 

 Kátar konur á Kirkjubæjarklaustri að loknum góðum fundi. 

Efst frá vinstri: Eydís Dóra Einarsdóttir SASK, Þóra Sverrisdóttir SAHK, Jóna Rún Gunnarsdóttir KSGK, Gyða Björg Jónsdóttir SVK, Regína Sigurðardóttir KVSÞ, Jóhanna Lilja Þrúðmarsdóttir SSK, Elinborg Sigurðardóttir SSK, Magðalena Jónsdóttir gjaldkeri KÍ, Ása Erlingsdóttir SBK, Sólrún Guðjónsdóttir fráfarandi ritari KÍ, María Sigurbjörnsdóttir Líkn, Miðröð frá vinstri: Helga Magnúsdóttir ritari KÍ, Helga Magnea Steinsson SAK, Björg Baldursdóttir varastjórn KÍ, Jenný Jóakimsdóttir starfsm KÍ, Dagmar Elín Sigurðardóttir forseti KÍ, Þuríður Guðmundsdóttir meðstjórnandi KÍ, Herdís Hermannsdottir Líkn, Lína Hrönn Þorkelsdóttir KSH. Neðsat röð sitjandi: Kristín Snorradóttir SSK Skagafirði, Eva Björk Harðardóttir varaforseti KÍ og formaður SVSK, Lísa Þorsteinsdóttir SASK og Guðbjörg Ósk Jónsdóttir SASK.