Fimmtudaginn 17. mars nk. verður haldin morgunverðarfundur á Hallveigarstöðum kl. 8:30 - 10:00.

Dagskrá fundarins:

• Saman gegn sóun: Ávarp Sigrúnar Magnúsdóttur, umhverfis- og auðlindaráðherra.
• Matarsoun.is: Ein vefgátt fyrir alla, Ingunn Gunnarsdóttir frá Umhverfisstofnun
• Geta ný strikamerki stuðlað að minni matarsóun: Benedikt Hauksson frá GS1
• Aðgerðir gegn matarsóun: Hulda Margrét Birkisdóttir frá Kvenfélagasambandi Íslands
• Kynning á námsefni um úrgangsforvarnir: Guðmundur Ingi Guðbrandsson frá Landvernd

Fundarstjóri er Sigríður Auður Arnardóttir, ráðuneytisstjóri

Allir velkomnir og morgunverður í boði.

Til að áætla fjölda skal skráning send í tölvupósti til This email address is being protected from spambots. You need JavaScript enabled to view it.is fyrir klukkan 16:00 þann 16. mars 2016

Kvenfélagasambandið hvetur kvenfélagskonur til að fjölmenna á fundinn. 

52. formannaráðsfundur Kvenfélagasambands Íslands fer fram í Salthúsinu í Grindavík 26. - 27. febrúar nk. 

Yfirskrift fundarins er Jákvæðni og vellíðan í félagsstarfi
Aðalfyrirlesari á fundinum er Kristín Linda Jónsdóttir sálfræðingur og ritstjóri Húsfreyjunnar.
Kvenfélagskonur eru velkomnar að koma og hlýða á erindi Kristínar Lindu á meðan húsrúm leyfir. 

Formannafundir Kvenfélagasambands Íslands fara fram tvisvar á ári. Fundina sækja formenn héraðssambanda KÍ ásamt stjórnar og nefndarkonum sambandsins.
Fyrri fundurinn, sem er aðalfundur, er haldinn í febrúar eða mars og sá síðari í nóvember.

Dagskrá fundarins:

Read More

Skagfirskar kvenfélagskonurAlþjóðlegur dagur sjálfboðaliðans er 5. desember. Dagurinn er opinberlega viðkenndur af Sameinuðu þjóðunum sem dagur þar sem sjálfboðaliðar um allan heim eru viðurkenndir og fagnað fyrir framlag þeirra og skuldbindingu. Það er vel við hæfi að sýna sjónvarpsþátt um upphaf kvenfélaganna á Íslandi í tengslum við þennan dag. Löngu áður en orðið sjálfboðaliði varð landsmönnum tungutækt var það orðið kvenfélagskona sem var notað yfir þær konur sem sinntu sjálfboðaliðastarfi í þágu samfélagins.

Read More

Forrannsókn á matarsóun heimila í Reykjavík var kynnt á Hallveigarstöðum í dag.  Á kynningunni í dag var m.a. boðið uppá tvennskonar Diskósúpur, súpur eldaðar úr hráhefni sem var að komast á síðasta söludag eða hafði útlitsgalla og hefði annars verið hent. Það var verslunin Nettó á Granda sem gaf Kvenfélagasambandinu hráefnið sem það eldaði súpurnar úr. Nettó ásamt Samkaupum hafa sýnt gott fordæmi í að minnka matarsóun með því að bjóða viðskiptavinum uppá stigvaxandi afslátt afslátt af matvörum sem nálgast síðasta söludag. Forransóknin bendir til að a.m.k. 5.800 tonnum af mat og drykk sé hent af reykvískum heimilum árlega. Þetta samsvarar a.m.k. 4,5 milljörðum króna. Samkvæmt mælingum inn á sautján heimilum hendir hver einstaklingur um 48 kg á ári sem gerir um 150 þúsund krónur fyrir fjögurra manna fjölskyldu.

Read More

Styrkþegar og fulltrúar þeirra ásamt stjórn Minningarsjóðs Helgu M PálsdótturÁ hátíðlegum jólafundi Kvenfélagasambands Íslands sem fram fór í Kvennaheimilinu Hallveigarstöðum 20. nóvember sl. voru auk hefðbundinnar jóladagskrár veittir námsstyrkir úr Minningasjóði Helgu M Pálsdóttur. Sjóðurinn var stofnaður 25. ágúst 1987 samkvæmt ákvæði í erfðaskrá Helgu. 

Sjóðurinn hefur úthlutað styrkjum til kvenna í ólíkum námsgreinum, s.s. textíl, félagsvísindum, harmonikkuleik, íþróttafræðum, viðskiptafræði, guð- og trúarbragafræði, brúðulist, náms- og kennslufræði, hagnýtri menningarmiðlun, safnafræði, eðlisfræði, þróunarfræði og talmeinafræði. Hlutverk sjóðsins er að styrkja ungar konur til framhaldsnáms. Kvenfélagasamband hefur úthlutað úr sjóðnum annað hvert ár frá 2005 þegar fyrst var úthlutað úr sjóðnum. 

Á jólafundi Kvenfélagasambands Íslands þann 20. nóvember sl. veitti sjóðurinn styrki til 3ja kvenna, samtals að upphæð kr. 900.000.

Styrkþegar 2015 eru:

Gunnhildur Pétursdóttir sem hlaut styrk að upphæð kr. 300.000. Hún stundar nám í dýralækningunum við The University of Veterinary Medicine and Pharmacy in Kosice í Slóvakíu

Hrefna Silvía Sigurgeirsdóttir sem hlaut styrk að upphæð kr. 300.000. Hún stundar nám í Kírópraktík við Life University Marietta, Atlanta, USA

Dýrfinna Guðmundsdóttir sem hlaut styrk að upphæð kr. 300.000. Hún stundar meistaranám í hagnýtri ritstjórn og útgáfu við Háskóla Íslands.